أنور وعزوز🌐 English
ليلى حلمي بتقرا كتاب مع أنور وزينة، وجنبهم عزوز وعبقرينو

مين وراء أنور وعزوز؟ 💜

أنا ليلى حلمي، أم لأنور وزينة، ومتخصصة في التحول الرقمي والابتكار والتكنولوجيا، بخبرة أكتر من ١٦ سنة. وعندي شغف شخصي بالابتكار اللي له أثر حقيقي.

  • 🎓 ٩ صفوف
  • 📚 ٥ مواد
  • 🆓 مجانًا
  • 📴 من غير نت

✨ الحكاية من الأول

  1. 🏠

    بدأت من بيتي

    شفت ابني بيواجه صعوبة في بعض دروسه، وكنت بدوّر على طريقة تخليه يتعلم ويفهم من غير ضغط أو توتر. ليه المذاكرة ما تبقاش مغامرة ممتعة بدل ما تكون عبء على ولادنا؟

  2. 📖

    حكاية نقراها سوا

    في الأول حوّلت منهج الدراسات لحكاية نقراها أنا وولادي سوا: «أنور وعزوز في رحلة كنز مصر».

  3. 🎮

    وبعدين جه التحدّي

    ابني تحدّاني إني أحوّل الحكاية للعبة. فبدأت أصمم ألعاب تعليمية تجمع بين المناهج المصرية والتكنولوجيا، علشان أساعد أنور وزينة كمان.

  4. 💬

    تعليقاتكم كبّرتها

    شاركت التجربة مع كل طفل وأب وأم محتاجين طريقة أبسط وأمتع للتعلم، وتعليقاتكم انتو هي اللي خلتني أحوّلها لكل ده: صفوف ومواد أكتر، وألعاب أكتر.

🎮 ليه ألعاب؟

شفت التعلّم بالألعاب (Gamification) بينجح في التعليم والتطوير، من الأطفال للكبار، وأنا مؤمنة بقيمته في وقتنا ده: الطفل بيتعلم وهو مبسوط، وبيرجع يتعلم تاني لأنه عايز، مش لأنه مضطر.

🔎 الدقة مهمة عندي قد المتعة

  • الأسئلة والإجابات مبنية على كتب الوزارة الرسمية للترم الأول: تمارين الكتاب المدرسي وكتاب التقييمات، ولكل صف كتابه.
  • كل سؤال عليه زرار «🚩 في غلط في السؤال ده؟»، وبنرحّب بملاحظات أولياء الأمور والطلاب.
  • كل بلاغ بنراجعه على صفحة الكتاب ونتحقق منه، وبنصحّح أي خطأ يثبت وجوده.

أنور وعزوز مش مجرد ألعاب تعليمية… ده مشروع بدأ بحب أم لولادها، وكبر بحلم إن كل طفل يقدر يتعلم بثقة وفرحة. ❤️

ليلى أنور حلميLaila A. Helmy

العبوا دلوقتي ‹📖 اقرا الحكاية الأولى